जागले सुतिह जागले सुतिह

बेटी के सहाना: जागले सुतिह जागले सुतिह

• स्वर: चेतना सिंह
• गीतकार: अज्ञात
• रिकॉर्ड लेबल: आपन गीत

लिरिक्रस

जागले सुतिह जागले सुतिह,
कवन पापा हो !
आजु घरवा चोरिया होइहें,
आजु घरवा चोरिया होइहें ।
जागले सुतिह जागले सुतिह,
कवन चाचा हो !
आजु घरवा चोरिया होइहें,
आजु घरवा चोरिया होइहें ।
आजु घरवा चोरिया होइहें ।
साँझी के बेरवा चोरवा,
दुअरवा अइहें हो !
आधी राति अँगनवा अइहें,
आधी राति अँगनवा अइहें।
आधी राति अँगनवा अइहें।
सब रे संपतिया पापा हो बाची जइहें,
दुलारी धियवा चोरिया होइहें,
दुलारी धियवा चोरिया होइहें,
दुलारी धियवा चोरिया होइहें हो दुलारी।
दुअरा के चोरवा समधिया होइहें,
अवरू समधिया होइहें हो अव।
अँगना के चोरवा दुल्हवा होइहें हो,
अवरू दुल्हवा होइहें हो !
अवरू दुल्हवा होइहें हो !
सब रे संपतिया पापा हो बाची जइहें,
दुलारी धियवा चोरिया होइहें,
दुलारी धियवा चोरिया होइहें,
दुलारी धियवा चोरिया होइहें हो !
दुअरा पर चोरिया होइहें,
दानवा त अवरू दहेज़वा,
त अवरू दहेज़वा त,
अँगना दुलारी धियवा हो !
अँगना दुलारी धियवा हो !
सब रे संपतिया पापा हो बाची जइहें,
दुलारी धियवा चोरिया होइहें,
दुलारी धियवा चोरिया होइहें,
दुलारी धियवा चोरिया होइहें हो !
जागले सुतिह जागले सुतिह,
कवन भइया !आजु घरवा चोरिया होइहें,
आजु घरवा चोरिया होइहें,
आजु घरवा चोरिया होइहें ।
सब रे संपतिया पापा हो बाची जइहें,
सब रे संपतिया पापा हो बाची जइहें।
दुलारी धियवा चोरिया होइहें,
दुलारी धियवा चोरिया होइहें।