कवना बने उपजेला नरियर

सोहर गीत: कवना बने उपजेला नरियर

• स्वर: चेतना सिंह
• गीतकार: अज्ञात
• रिकॉर्ड लेबल: आपन गीत

लिरिक्स

कवना बने उपजेला नरियर,
कवना बने केसर हे।
ए ललना कवना बने,
चुएला गुलाब चुनरिया ओमे रंगाइब हे।
ए ललना कवना बने,
चुएला गुलाब चुनरिया ओमे रंगाइब हे।
बाबा बने उपजेला नरियर,
भइया बने केसर हे।
ए ललना सइयाँ बने,
चुएला रे गुलाब चुनरिया ओमे रंगाइब हे।
चुनरी पहिरी हम घाटे गइल,
अउरो पानी घाटे गइल हे।
ए ललना हाथिया चढ़ल हाथियाहवा,
त हमरा से बोली करे हे।
ए ललना हाथिया चढ़ल हाथियाहवा,
त हमरा से बोली करे हे।
केकर हउ तुहु धियवा त,
केकर पतोहिया हउ हे।
ए ललना केकर हउ अइसन सुन्दर,
पनिया घाटे आइल बाड़ू हे।
ए ललना केकर हउ अइसन सुन्दर,
पनिया घाटे आइल बाड़ू हे।
राजा जनक जी के धियवा हई,
दशरथ जी के पतोहिया हई हे।
राजा जनक जी के धियवा हई,
दशरथ जी के पतोहिया हई हे।
ए ललना जेकर हई अइसन सुन्दर,
सेहो परदेशे गइलें हे।
ए ललना जिनकर हई अइसन सुन्दर,
सेहो परदेशे गइलें हे।
मचिया बइठल रउरा सासू बानी,
अउरो बरहैत बानी हे ।
ए सासू हाथिया चढ़ल हाथियाहवा,
त हमरा से बोली करे हे।
ए सासू हाथिया चढ़ल हाथियाहवा,
त हमरा से बोली करे हे।
कवना रंगे हउए उजे हाथिया त,
कवना रंगे गदिया हउए हे।
ए बहुआ कवना रंगे हउए हाथियाहवा,
त तोहरा से बोली करे हे।
ए बहुआ कवना रंगे हउए हाथियाहवा,
त तोहरा से बोली करे हे।
करिया रंगे हउए उजे हथिया,
सबुजे रंगे गदिया हउए हे।
करिया रंगे हउए उजे हथिया,
सबुजे रंगे गदिया नु हे।
ए सासू गोरे रंगे हउए हाथियाहवा,
त हमरा से बोली करे हे।
ए सासू गोरे रंगे हउए हाथियाहवा,
त हमरा से बोली करे हे।
कहेलु ए बहुआ कहेलु,
कहिके सुनावेलु हे।
कहेलु ए बहुआ कहेलु,
कहिके सुनावेलु हे।
ए बहुआ उ त हउए हमरो हो बेटऊवा,
त तोहरा से बोली करे हे।
ए बहुआ उ त हउए हमरो हो बेटऊवा,
त तोहरा से बोली करे हे।
ए बहुआ उ त हउए हमरो हो बेटऊवा,
त तोहरा से बोली करे हे।