सासू मोरा गइली दलियावा

सोहर गीत: सासू मोरा गइली दलियावा

• स्वर: चेतना सिंह
• गीतकार: अज्ञात
• रिकॉर्ड लेबल: आपन गीत

लिरिक्स

सासू मोरा गइली दलियावा दरे,
ननदो पनियवा भरे हे।
ए ललना अधे राति होरिला जनम लेलें,
महलिया उठे सोहर हे।
ए ललना अधे राति होरिला जनम लेलें,
महलिया उठे सोहर हे।
ससुरा से ननद के बोलाइब,
सोइरिया लिपवाइब हे।
ससुरा से ननद के बोलाइब,
सोइरिया लिपवाइब हे।
ए ननदो लिपs ना ही हमरो सोइरिया,
बधइया तोयके देब नु हे।
ए ननदो लिपि आव हमरो सोइरिया,
बधइया तोहके देब नु हे।
नाही लिपब ए भउजो सोइरिया,
बधइया हम कोहिरवा चाही हे।
ए भउजो बइठ ना रसोईया के दुअरिया,
सोइरिया हम ना लिपब हे।
ए भउजो बइठ ना रसोईया के दुअरिया,
सोइरिया हम ना लिपब हे।
दुआरा से भइया मोर आवेंलें,
बहिनी के समझावेलें हे।
ए बहिना लिपि आव भउजी के सोइरिया,
बहरिया भउजी बइठल बाड़ी हे।
ए बहिनी लिपि आव भउजी के सोइरिया,
भउजिया बहरी बइठल बाड़ी हे।
नाही लिपब ए भइया सोइरिया,
बधइया हम कोहिरवा चाही हे।
ए भइया रखी द ना हीरा के चएनवा,
तबहीं सोइरी लिपब हे।
ए भइया रखी द ना सोना के चएनवा,
तबहीं हम लिपब हे।
जब ले ना देबु भउजो कंगनवा,
तब ले सोइरी ना लिपब हे।
जब ले ना देबु भउजो झुमुकवा,
तब ले सोइरी ना लिपब हे।
ए भउजी बइठी रह बाबु लेके बहरिया,
सोइरिया हम ना लिपेम हे।
ए भउजी बइठी रह बाबु लेके बहरिया,
सोइरिया हम ना लिपब हे।
लिपs ना ए ननदो सोइरिया,
बधइया तोके चएनवे देब हे।
लिपs ना ए ननदो सोइरिया,
बधइया तोरा के हीरवा देब हे।
ए ननद लिपि आव सोइरिया के घरवा,
बधइया हम हीरवे देब हे।
ए ननदो लिपि आव सोइरिया के घरवा,
बधइया हम चएनवे देब हे।