देवी गीत: निमिया के डाढ़ मइया
- स्वर: चेतना सिंह
- गीतकार: अज्ञात
- रिकॉर्ड लेबल: आपन गीत
लिरिक्रस
निमिया के डाढ़ मइया,
लावेली झुलुववा की झुली झुली ना।
निमिया के डाढ़ मइया,
लावेली झुलुववा की झुली झुली ना।
मइया मोरी गावेली गीत की झुली झुली ना। -2
झुलत-झुलत मइया के लगलें पियासिया,
कि चली भइली ना।
मलहोरिया अवांस की, चली भइली ना। -2
सुतल बारू की जागल ए मलिन,
कि छाँक एक।
सुतल बारू की जागल ए मालिन,
कि छाँक एक।
मोइके पनिया पियाव,
कि छाँक एक।
मोइके पनिया पियाव,
कि छाँक एक।
कइसे में पनिया पियाई,
ए शीतला मइया!
मोरा गोदे, बाड़ें बालक नादान की मोरा गोदे।
बाड़ें बालक नादान की मोरा गोदे।
बालक नादान मालिन सोने के खटोलवा,
सुताई रे देहु।
बालक नादान मालिन सोने के खटोलवा,
सुताई रे देहु।
मोइके छाँक एक पनिया, पियाई रे देहु। -2
हाथवा के लिहलीं मालिन,
झझरी गेरुरवा की चली भइली।
ए गेरुरवा जुर पानी की चली भइली। -2
एक छाँक पियली मइया दुइ छाँक पियली,
तीसरे छाँक।
एक छाँक पियली मइया दुइ छाँक पियली,
तीसरे छाँक।
मइया देवेली आशीष, तीसरे छाँक। -2
जइसे तू ए मालिन हमें जुरववलु की ओइसे-ओइसे। -2
तोहर धियवा जुरासु की ओइसे-ओइसे।
तोहर पतोहिया जुरासु की ओइसे-ओइसे। -2
धियवा त बाड़ी मइया अपना ससुररिया,
पतोहिया मोरो मइया बाड़ी नइहरवा से केकरा के।
रउवा दिहिलें आशीष की केकरा के ? -2
धियवा जुरास मालिन अपना ससुररिया,
पतोहिया तोरो मालिन जुरास नइहरवा पतोहिया तोरो।
मालिन जुरास नइहरवा पतोहिया तोरो। -3
