अरे ! सुतला में रहनी अम्मा

बेटा के सहाना: अरे ! सुतला में रहनी अम्मा

• स्वर: चेतना सिंह
• गीतकार: अज्ञात
• रिकॉर्ड लेबल: आपन गीत

लिरिक्रस

अरे ! सुतला में रहनी अम्मा,
सुननीं सपनवा।
अरे ! सुतला में रहनी चाची,
सुननीं सपनवा।
अरे ! सुतला में रहनी भाभी,
सुननीं सपनवा।
लाड़ो हमरो बसली गंगा पार हो,
लाड़ो बसली गंगा ओह पार हो।
लाड़ो बसली गंगा ओह पार हो।
हमहुँ त जइब अम्मा लाड़ो के उ देसवा,
हमहुँ त जइब अम्मा लाड़ो के उ देसवा।
पवरीं अवरीं जब गइल गंगा पारवा,
लाड़ो पुछली कठिन सवाल हो !
लाड़ो पुछली कठिन सवाल हो !
हम तइसे पुछिलें आ हो ए दूल्हा !
हम तइसे पुछिलें आ हो ए दूल्हा !
कवना विधिया रहेलs कुँआर हे !
कवना विधिया रहेलs कुँआर हे !
पापा हमरो करींले जिरवा के लदनिया,
पापा हमरो करींले जिरवा के लदनिया।
चाचा जोतिंले कूड़ खेत हे,
चाचा जोतिंले कूड़ खेत हे।
भइया हमरो करीलें विदेस के नोकरिया,
भइया हमरो करीलें विदेस के नोकरिया।
ओहि विधिया रहेलीं कुँआर हो,
ओहि विधिया रहेलीं कुँआर हो।
पापा हमरो छोड़ेलें जिरवा के लदनिया,
पापा हमरो छोड़ेलें जिरवा के लदनिया।
चाचा छोड़ेलें कूड़ खेत हो ,
चाचा छोड़ेलें कूड़ खेत हो।
भइया छोड़ेलें हमरो विदेस के नोकरिया,
भइया छोड़ेलें हमरो विदेस के नोकरिया।
अब होला हमरो बियाह हो,
अब होला हमरो बियाह हो।
हम अइनीं तोहेके ले जाए हो,
हम अइनीं तोहेके ले जाए हो।