अरे! सेर भर गेहूँवा

छठ गीत : अरे! सेर भर गेहूँवा

• स्वर: चेतना सिंह
• गीतकार: अज्ञात
• रिकॉर्ड लेबल: आपन गीत

लिरिक्रस

अरे! सेर भर गेहूँवा,
ए दिनानाथ !
सासू जोखी देस।
अरे! सेर भर गेहूँवा,
ए दिनानाथ !
सासू जोखी देस।
अरे! कुटई त पीसई ते दिनानाथ !
कोठी ला चढ़ाय।
अरे! पीसई त कुटई ते दिनानाथ !
कोठी ला चढ़ाय।
अरे! बेलई त बेलई ते दिनानाथ !
भइलें अबेर।
अरे! बेलई त बेलई ते दिनानाथ !
भइलें अबेर।
अरे ! सासू मोरा मारे ए दिनानाथ,
ननदिया गरियाव।
अरे ! सासू मोरा मारे ए दिनानाथ,
ननदिया गरियाय।
अरे ! ससुरा के रूसल तिवईया,
नइहरवा चली जास।
अरे ! ससुरा के रूसल तिवईया,
नइहरवा चली जास।
अरे ! एक कोसे गइली तिवईया,
दूसरे कोसे जास।
अरे ! एक कोसे गइली तिवईया,
दूसरे कोसे जास।
अरे ! तीसर कोसे गइली तिवईया,
छठिया मइया भेंटास।
अरे ! तीसर कोसे गइली तिवईया,
छठिया मइया भेंटास।
अरे ! कहँवा के रूसल तिवईया,
कहाँ रे चली जास।
अरे ! कहँवा के रूसल तिवईया,
कहाँ रे चली जास।
अरे ! ससुरा के रूसल तिवईया,
नइहरवा चली जास।
अरे ! कवने अयगुणवा तिवईया ,
नइहरवा चली जास।
अरे ! कवना अयगुणवे तिवईया,
नइहरवा चली जास।
अरे ! सासू मोरा मारे छठीया मइया,
ननदिया गरियाव।
अरे ! गोतिनी अलगिया छठीया मइया,
से हो गरियाय।
अरे ! अवध पुरुखवा छठीया मइया,
से हो लुलुवाय।
अरे ! चुप होखs चुप तिवईया,
कटोरवे पोंछs लोर।
अरे ! चुप होखs चुप तिवईया,
कटोरवे पोंछs लोर।
अरे ! तोहरा के देबव तिवईया,
गजाधर अइसन पूत।
अरे ! तोहरा के देबव तिवईया,
गजाधर अइसन पूत।
अरे ! हँसत खेलत तिवईया,
घरवा चली जास।
अरे ! हँसते खेलत तिवईया,
घरवा चली जास।

सम्बंधित गीत:- जइह ना बाजार सइयाँ, सबकर डलियवा सूरजमल, सब दिन उगनी सूरजमल, अरे नीचा कच मचिया, चढ़त कर्तिकवा छठी मइया, ए छठी मइया लेलीं नेवता